“La Masiya” – bu akademiya “Barselona”ning akademiyasi ekanligini ko'pchilik  juda yaxshi biladi. Ushbu akademiya “serhosil”ligi bilan qolgan akademiyalardan ajralib turadi. Ektor Bellerin, Sesk Fabregas, Pedro va hokazolar aynan ushbu akademiya tarbiyalanuvchilari sanalishadi va ular o'zlaridan kutilgan natijani ko'rsata olishdi va ularni bemalol yuqori darajadagi futbolchilar deya olamiz. Ammo “Barselona” akademiyasidan chiqqan ayrim futbolchilardan yorqin kelajak kutilgan bo'lsada, ular o'zlaridan kutilgan natijani bera olishmadi. Quyida ana shunday futbolchilar haqida hikoya qilamiz. Jovanni va Jonatan dos Santoslar Yoshlari: 27/26 Hozirda: “LA Gelaksi”/ “Vilyareal” da to'p surishadi Aka-uka dos Santoslarning iqtidorini “Barsa” skautlari Meksikadagi turnirda ko'rishadi va ularni zudlik bilan Ispaniyaga olib ketishadi. Katta dos Santos “Barselona” akademiyasining bosh iqtidorlaridan biri edi. Ulkan gollar “xirmoni”, betakror fintlar mahalliy murabbiylarning og'zini “ochirib” qo'ygan edi. Ammo kattalar futbolida Jovanni o'zini yo'qotib qo'ydi. Ikki yil asosiy jamoaga kirirish uchun harakat qilgan Jovannini “Tottenxem”ga sotishdi, qo'pol qilib aytganda “kopeyka”ga. APLda o'zini ko'rsata olmagach, ijaralar seriyasi boshlanib ketdi: “Ipsvich”, “Galatasaroy”, “Rasing” va boshqalar. Ammo Jovanni omadini okean ortidan qidirdi va balki uni topa oldi deyishimiz mumkin bo'lar. MLSda katta dos Santos mana salkam ikki yildan buyon to'p surmoqda. Jonatan dos Santos esa “Barselona” asosiy jamoasidagi 5 yilda 20 ta ham o'yin o'tkazmaydi va 2015 yilda “Vilyareal” safiga o'tib ketadi. Boyan Krkich Yoshi: 26 Hozirda “Stok Siti”sa to'p suradi “La Masiya”dagi ilk kunlaridanoq uni “Barsa” kelajagi sifatida ko'rishgan edi. Amalda shunday bo'lishi mumkin edi. “Barselona” safida debyut qilgan eng yosh futbolchi ham aynan Krkich edi. Ammo jarohatlar doimo Boyanni “izlab topadi”gandek. Ahir, hech bir masvum yo'qki, Krkich mavsumni to'liq o'tkazgan. Aynan shu sabab “Barselona”da ham, qolavresa “Ayaks”, “Milan” va “Roma”dagi faoliyatida ham o'zini ko'rsata bilmadi. Hozirda esa 26 yoshli forvard “Stok Siti”da to'p surmoqda. Mark Munesa Yoshi: 24 Hozirda “Stok Siti”da to'p suradi Boyan bilan birgalikda “La Masiya”ning yana bir tarbiyalanuvchisi “Stok” safida faoliyat yuritmoqda. Bu futbolchiga o'z vaqtida “yangi Puyol” deb qarashgan edi. 17 yoshida “Barselona” asosiy jamoasida debyut qilgan futbolchi bu borada faqat yuqorida ta'kidlaganimiz – Krkichdan ortda qoladi. 24 yoshli himoyachi bu mavsum “Stok” safida bor-yo'g'i 5 ta o'yin o'tkazdi xolos. Oriol Romeu Yoshi: 25 Hozirda “Sautgemoton”da to'p suradi Romeuning omadsizligi bu u vaqtda “Barsa”da o'zgartirilmas 3 ta yarim himoyachi bor edi: Inesta, Xavi va Buskets. O'yin amaliyotiga ega bo'lish maqsadida Romeu “Chelsi”ga o'tgan ispaniyalik yarim himoyachi “aristokratlar” bilan EChLda va ELda g'olib chiqadi. “Chelsi” esa futbolchini avval “Valensiya”, so'ngra “Shtutgart”ga ijaraga berdi va 2015 yilda uni “Sautgempton”ga berib yubordi. Hozirda esa Romeu “avliyolar”ning o'zgartirilmas futbolchisiga aylanib ulgurgan. Maqolaning davomi penalti.uz saytida
— deya xabar beradi uff.uz nashri.