"Manchester Siti" bosh murabbiyi Manuel Pellegrini jamoa hujumchisi Serxio Aguero haqida iliq fikr bildirdi.
"Biz "Nyukasl"ga qarshi kechgan uchrashuvda shunga guvoh bo'ldikki, Serxio Aguero Messi va Ronaldu bilan bir xil saviyada. Yodingizdami, mavsum boshida mutlaqo boshqa Serxioni ko'rishingiz haqida aytgan edim?
U tajribaliroq va yanada professionalroq bo'ldi. U o'yinini qanday kuchaytirish kerakligini yaxshi biladi. Uning uchun xursandman, chunki boshqa o'yinlarda ham gol urish imkoniyatlari bo'lgan, ammo omadi kelmagan edi", -- deydi Pellegrini.
Eslatib o'tamiz, Serxio Aguero Angliya chempionati 8 turida "Nyukasl"ga qarshi kechgan bahsda 5 ta gol kiritdi.
— deya xabar beradi uff.uz nashri.