O'zbekistonlik fitnes-instruktor Radik Xubbiev 7–10 fevral kunlari Malayziya poytaxti Kuala-Lumpur shahrida o'tkazilgan seminarda ishtirok etdi.
OFK hakamlar departamenti va sport tibbiyoti masalalari departamenti tomonidan tashkil etilgan mazkur seminarda OFKning turli milliy assotsiatsiyalaridan 10 nafar oliy toifali vakillari ishtirok etdi.
Seminarni o'tkazishdan asosiy maqsad – ishtirokchilarning fitnes-tayyorgarlik va hakamlarni baholash bo'yicha bilimlarini so'nggi texnik ma'lumotlar etkazish va o'tkazilgan tadqiqotlar natijasi bilan tanishtirish orqali oshirishdan iborat edi.
Qayd etish joiz, seminarga tashrif buyurgan ma'ruzachilardan biri – Italiya futbol hakamlari assotsiatsiyasi fitnes-tayyorgarlik va tadqiqotlar departamenti boshlig'i doktor Karlo Kastanya bo'ldi. U seminar ishtirokchilariga hakamlarning jismoniy holatiga qo'yilgan talablar, mashg'ulotlar yuki nazorati va jarohatlarni profilaktika qilish masalalari bo'yicha ma'lumot berdi. 
— deya xabar beradi uff.uz nashri.