Kelasi transfer oynasi sensatsiya va sovg'alarga boy bo'lishi kutilmoqda va o'z navbatida qator jahon yulduzlari ham nihoyat o'z klublarini tark etish haqida bosh qotrimoqdalar. Gabonlik Bundesliga yulduzi ham Dortmundni tark etishga har qachongidan ham yaqinroq ekani ma'lum bo'ldi. So'nggi 5 yil ichida “Borussiya D” 2 bora Bundesliga tojini qo'lga kiritdi va 3 bora Bundesliga vitse-chempioni, Germaniya kubogi va Germaniya Superkubogi sohibiga aylandi. Boz ustiga, dortmundliklar eng nufuzli musobaqa EChL finaliga ham etib bordilar. Shunday bo'lsa ham, klub transfer bozoridagi biznes ishlari har qachongidan ham samaraliroq bo'ldi. Garchi qator yulduzlar ulkan summalar evaziga jamoani tark etgan bo'lsalarda, klub o'z odatiga ko'ra yosh iqtidorlardan ulkan jahon yulduzlari etishtirib chiqarishiga ishonib, qator iqtidorlarni o'z safiga qo'shib oldi. “Albatta, biz to'p klubmiz, biroq “Real”, “Barselona”, “Bavariya” kabi emas. Agarda yangi darajaga ko'tarilmoqchi bo'lsam, yozda jamoani tark etishga majburman”, deya jamoaning navbatdagi ketishga shaylanayotgan super yulduzi aytib o'tdi. Qanday maosh yoki kelishuv taklif qilinshidan qatiy nazar futbolchi joriy mavsumda Dortmunda bilan xayrlashadi. Shuning uchun ham klub yangi etakchi forvard izida keng qamrovli izlanishga o'tishi kerak bo'ladi. Qishda jamoani Adrian Ramos tark etdi va uning o'rniga Aleksander Isak xarid qilindi. Ba'zilar 17 yoshli Isakni gabonlik futbolchi uchun o'rinbosar, sifatida ko'rishi ham mumkin. Yosh bo'lishiga qaramasdan, hujumchini o'z Vatanida “yangi Ibragimovich” deya atashadi. Isak jismonan jihatdan kuchli futbolchi. U vaziyatlarni sovuqqonlik bilan baholaydi va uni ustiga birga-bir vaziyatda ham raqibidan o'tib ketishi bilan ham yaxshi taniladi. Futbolchi to'p kelishini kutib qolmaydi va doim maydon uzra faol harakatlanadi va o'ziga ham vaziyatlar yarata oladi. Umuman olganda, bo'yi 190 sm lik futbolchi uchun noodatiy harakatlar va sifatlar. Ammo, Isakning keyingi mavsumdanoq “Borussiya D”da yulduz bo'lib ketishiga hech kim kafolat bera olmaydi va shuning uchun ham rabariyat yangi transfer iziga tushishi lozim bo'ladi. Hozirda jamoa uchun eng samarali tanlov bo'lib A Seriyaning yangi yulduzi Andrea Belotti ko'rilyapti – klassik markaziy hujumchi. Davomi Penalti.uz da
— deya xabar beradi uff.uz nashri.