"Barselona"ga qarshi kechadigan EChL pley-off o'yini oldidan "PSJ" klubi himoyachisi Tyago Silva o'zining fikrlarini aytib o'tdi. U Messi haqida ham to'xtalib o'tdi.
"Messi hozirda raqibning jarima maydonchasiga yaqin kelmayapti. Ammo, u kutilmaganda o'sha erga paydo bo'lib qolishi mumkin. Bu hujumchi bizga bosh og'rig'i bo'lishi turgan gap.
Uning xatti-harakatlarini avvaldan aytib bo'lmaydi. Messi - jamoasining dirijeri va "Barselona" unga qarab o'ynaydi", - deydi Mundo Deportivo nashri Silva so'zlarini keltirib.
Eslatib o'tamiz, "PSJ" - "Barselona" o'yini 14 fevral kuni Parijda, 8 mart kuni esa Barselonada bo'lib o'tadi.
— deya xabar beradi uff.uz nashri.