Angliyaning eng ko'p chempioni bo'lgan “Manchester Yunayted” jamoasining eng yaxshi frantsuz legionerlari haqida to'xtalib o'tamiz. 5. Lui Saa
O'ynagan davri: 2004-2008
Natijasi: 124 o'yin – 42 gol
Yutuqlari: Angliya chempioni (2), Angliya liga kubogi (1), Chempionlar ligasi (1)
2003/04 yilgi mavsumda “Nyukasl” klubi tarkibida porlagan Saaning sovchilari ko'payib qoldi. Hammadan epchil harakat qilgan “Manchester Yunayted” frantsuz hujumchisiga ega chiqdi. Lui “Qizil iblislar” tarkibida kutilganidek o'yin namoyish eta olmagan bo'lsa ham, jamoaning yutuqlariga o'z hissasini qo'sha oldi. U Manchesterdagi 5 mavsumi davomida 42 ta golga mualliflik qildi. 2005/06 yilgi mavsumda uning 6 ta goli Fergyusson jamoasiga mamlakat Liga kubogi g'olibligini olib keldi. Lui “MYu”ni tark etganidan so'ng Angliyaning yana 3 ta jamoasida to'p surdi. 2012/13 yilgi mavsumni esa Italiyaning “Latsio” jamoasida o'tkazdi va faoliyatiga “nuqta” qo'ydi. 4. Faben Bartez
O'ynagan davri: 2000-2004
Natijasi: 139 o'yin
Yutuqlari: Angliya chempioni (2)
Frantsiya futboli tarixidagi eng kuchli darvozabonlardan biri bo'lgan Bartez “Manchester Yunayted”da 3 mavsum asosiy darvozabon rolini bajardi. Faben “Qizil iblislar” tarkibida o'zining ishonchli o'yinlari va kutilmagan xatolari bilan ham esda qoldi. U o'ta qiyin vaziyatlarda jamoasini muqarrar gollardan saqlab qolishi, aksincha oddiy vaziyatlardan gol o'tkazib yuborishi ham mumkin edi. Bartez jamoasi bilan birga 2 marta Premer liga chempionligini qo'lga kiritdi. U 2000-2003 yillar davomida Fergyusson qo'l ostidagi jamoa sharafini 139 marta himoya qildi. 2003/04 yilgi mavsumda esa asosiy tarkibdagi o'rnini yo'qotib zaxiraga “mix”landi. Natijada frantsuz kiperi o'sha mavsumni ijara asosida “Marsel” klubida o'tkazdi. Faben faoliyatiga 2007-yilda “Nitstsa” klubi tarkibida yakun yasagan. Davomi Furqat Yusupov blogida.
— deya xabar beradi uff.uz nashri.