Bugun Oliy Liganing 29-tur uchrashuvlari start oladi. Turning uchta bahsi bo'lib o'tadi. Bugungi bahsda kimning imkoniyati yuqori ekanligini chamalab ko'ramiz.
"Olmaliq" - "Bunyodkor"
Olmaliqda qiziqarli o'    yin bo'ladi. Umuman olganda, "konchilar" uyda bo'ladigan bellashuvlarda "Bunyodkor"dan ochko tortib olishga harakat qilishgan. Shunday ekan, bugungi bahs ancha qiziqarli o'tishi tabiiy. Imkoniyatlarga kelsak, bu o'yinda tomonlar durang natija ko'rsatishi kutilmoqda. Qolaversa, Igor Shkvirin shogirdlarining imkoniyatlari ham yuqori hisoblanmoqda. Ular g'alaba qozonishi ham mumkin.
Imkoniyatlar: 60/40
"Nasaf" - "Paxtakor"
Turning markaziy bellashuvi Qarshida bo'lib o'tadi. "Paxtakor" ayni paytda peshqadamlikni saqlab turibdi. Endilikda bu klub "Nasaf" yutadigan bo'lsa, so'nggi tur oldidan chempionlik uchun imkoniyatini ancha ko'tarib oladi. Agar mag'lub bo'ladigan bo'lsa, "Lokomotiv" uchun biroz imkoniyat taqdim qilishi tabiiy. Bu o'yinda qarshiliklarning g'alabasi kutilmoqda. Chunki Ro'ziqul Berdiev jamoasi mavsumni ancha yaxshi o'tkazmoqda. O'z maydonida bo'ladigan bellashuvlarda har qanday raqibni dog'da qoldira olishmoqda.
Imkoniyatlar: 55/45
"Lokomotiv" - "Mash'al"
"Loko"ning bugungi o'yindagi yaqqol favorit ekanligi hech kimga sir emas. O'tgan turda "Sho'rtan"ni yirik hisobda mag'lub qilgan "temiryo'lchilar" bugungi o'yinda ham "Mash'al"ni mag'lub qilishi mumkin. "Gazchilar" boshqa o'yinlarda yaxshi o'ynashadi. Toshkentda bo'ladigan bahslarda "gazchilar"ga nimadir etishmayapti. Shu ham ularning imkoniyatlarini yanada pasaytirishi mumkin. "Lokomotiv" bugun g'alaba qozonish va "Paxtakor"ning ochko yo'qotishini kutgan holda, borini berishi aniq.
Imkoniyatlar: 70/30
— deya xabar beradi uff.uz nashri.