"Barselona" klubi sobiq direktori Mark Ingla shvetsiyalik hujumchi Zlatan Ibrahimovich nima sababdan o'z vaqtida jamoadan ketganini aytib o'tdi.

"U haqiqiy mashina. Ammo jamoada yana bir mashina bor edi. U kichikroq ediyu, lekin baribir ikki ayiq bir g'orga sig'madi (kuladi).

Zlatan o'z o'yiniga ko'proq e'tibor berardi va Messiga ham ko'proq xudud kerak bo'lgandi, shekilli. Zlatan haddan ziyod ko'p joyni egallab qo'yayotgandi.

Menimcha ularning o'rtasida biroz kelishmovchilik ham bo'lgan", - deydi Ingla.

Eslatib o'tamiz, Zlatan Ibrahimovichning o'zi "Barselona"ni o'sha vaqtlarda boshqargan Xosep Gvardiola bilan kelishmovchilik bo'lganini bir necha bor aytgan edi.
— deya xabar beradi uff.uz nashri.