Angliya premer ligasining 25-tur uchrashuvlari ham bo'lib o'tdi. Unda bir qator markaziy o'yinlarni kuzatdik. Masalan, “Chelsi” safarda durang o'ynadi. “Arsenal” o'z uyida g'alaba qozondi. Shuningdek, markaziy o'yinda “Tottenxem” “Liverpul”ga yutqazib qo'ygan bo'lsa, “Manchester Siti” safarda g'alabaga erishdi. “Manchester Yunayted” ham ishonchli tarzda 3 ochkoli bo'ldi. Ikki daqiqalik o'yin “Tottenxem” jamoasi safarda “Liverpul” jamoasiga qarshi maydonga tushdi va mag'lubiyatga uchradi. Markaziy uchrashuvda Sadio Mane ikki daqiqada ikkita gol urib, jamoasi uchun muhim g'alabani olib berdi. Ushbu natijadan keyin mersisaydliklar 5-pog'onada qolishdi. 11 fevral. Liverpul. "Enfild" stadioni. 53159 tomoshabin.
Bosh hakam: Entoni Teylor (Manchester).
“Liverpul” – “Tottenxem” - 2:0
Gollar: Mane, 16 (1:0). Mane, 18 (2:0). “Arsenal”dan g'alaba “Arsenal” jamoasi o'z maydonida “Xall Siti”ga qarshi maydonga tushdi va g'alaba qozondi. “Manchester Yunayted” va “Liverpul” jamoalari eplolmagan ishni Aleksis Sanches uddalab, dubl qayd etdi va to'purarlikda peshqadamga aylandi. 11 fevral. London. "Emireyts" stadioni. 59962 tomoshabin.
Bosh hakam: Mark Klattenburg (Nyukasl-apon-Tayn).
“Arsenal” – “Xall Siti” - 2:0
Gollar: Sanches, 34 (1:0). Sanches, 90+3 - penaltidan (2:0). “Chelsi” ochko yo'qotdi “Chelsi” jamoasi safarda “Bernli”ga qarshi o'ynadi va ushbu markaziy o'yinda jangovar durang qayd etildi. O'yinda Pedro hisobni ochgandi, lekin Bredi ajoyib zarba bilan hisobni tenglashtirdi. Londonliklar hamon peshqadamlikni saqlab turishibdi, ammo oradagi farq qisqarib bormoqda. 12 fevral. Bernli. "Terf Mur" stadioni. 21744 tomoshabin.
Bosh hakam: Kevin Frend (Lestershir).
“Bernli” – “Chelsi” - 1:1
Gollar: Pedro, 7 (0:1). Bredi, 24 (1:1). “Man.Siti”da ham g'alaba “Bornmut” jamoasi o'z maydonida “Manchester Siti” klubiga qarshi maydonga tushdi va mag'lub bo'ldi. Mazkur o'yinda Gvardiola shogirdlari mezbonlarga deyarli imkoniyat qoldirmadi. Ushbu natijadan keyin ular 2-o'ringa ko'tirilib olishdi. 13 fevral. Bornmut. "Vitaliti Stedium" stadioni.
Bosh hakam: Nil Suorbrik (Lankashir).
“Bornmut” – “Manchester Siti” - 0:2
Gollar: Sterling, 29 (0:1). Mings, 69 – o'z darvozasiga (0:2). “Manchester Yunayted” va 6-o'rin “Uotford” jamoasi safarda “Manchester Yunayted” klubi mehmoni bo'ldi va qiyin kechgan uchrashuvda mag'lubiyatga uchradi. Xuan Mata va Marsyalning gollari “qizil iblislar”ga g'alaba keltirdi, ammo ular hamon 6-o'rinda turishibdi. 11 fevral. Manchester. "Old Trafford" stadioni. 75301 tomoshabin.
Bosh hakam: Robert Medli (Yorkshir).
“Manchester Yunayted” – “Uotford” - 2:0
Gollar: Mata, 32 (1:0). Marcyal, 60 (2:0). Chempionlarga ne bo'ldi? “Suonsi” jamoasi o'z uyida “Lester”ni qabul qildi va g'alabaga erishdi. O'yin taqdiri birinchi bo'limning o'zidayoq hal bo'ldi. “Lester” endi tobora pastga sho'ng'ib ketmoqda. Lekin Raneri klubni premer ligada olib qolishga va'da berdi. 12 fevral. Suonsi. "Liberti" stadioni. 20391 tomoshabin.
Bosh hakam: Jonatan Moss (Yorkshir).
“Suonsi” – “Lester” - 2:0
Gollar: Mouson, 36 (1:0). Olsson, 45+2 (2:0). Qolgan-qutganlar 11 fevral. Sanderlend. "Stadium of Layt" stadioni. 39931 tomoshabin.
Bosh hakam: Pol Tirni (Lankashir).
“Sanderlend” – “Sautgempton” - 0:4
Gollar: Gabbyadini, 30 (0:1). Gabbyadini, 45 (0:2). Denayer, 88 – o'z darvozasiga (0:3). Long, 90+2 (0:4). 11 fevral. London. "Olimpiyskiy" stadioni. 56983 tomoshabin.
Bosh hakam: Maykl Oliver (Nortumberlend).
“Vest Xem” – “Vest Bromvich” - 2:2
Gollar: Shodli, 6 (0:1). Feguli, 63 (1:1). Lansini, 87 (2:1). Evans, 90+4 (2:2). 11 fevral. Midlsbro. "Riversayd" stadioni. 31496 tomoshabin.
Bosh hakam: Mayk Din (Xesvoll).
“Midlsbro” – “Everton” - 0:0 11 fevral. Stok-on-Trente. "Britannia" stadioni. 27007 tomoshabin.
Bosh hakam: Martin Atkinson (Lids).
“Stok Siti” – “Kristal Pelas” - 1:0
Gol: Allen, 67 (1:0). Tur ramziy terma jamoasi, tur futbolchisi, tur o'yini va boshqa qiziqarli statistikalar bilan ushbu havola orqali tanishib olishingiz mumkin.
— deya xabar beradi uff.uz nashri.