Osiyo futbol konfederatsiyasi (OFK) tashkilotga a'zo 45 mamlakat federatsiyalari texnik direktorlari va ularning yordamchilari uchun birinchi marta OFK texnik direktorlar konferentsiyasini o'tkazdi. 14–16 fevral kunlari o'tkazilagan konferentsiyada O'FF texnik direktori hamda Bolalar, o'smirlar va ommaviy futbolni rivojlantirish boshqarmasi boshlig'i Shavkat Imomov ham ishtirok etdi. Uch kun davom etgan konferentsiya “Texnik rivojlanish kelajagi” mavzusida o'tkazildi. Tadbirni o'tkazishdan asosiy maqsad Osiyoda futbolni texnik tomondan rivojlantirish, istiqbolli strategiya ishlab chiqish hamda OFKning “Bitta Osiyo, Bitta Maqsad” missiyasi muvaffaqiyatini ta'minlashga hissa qo'shishdan iborat bo'ldi. Shuningdek, konferentsiya davomida UEFA vakillari tomonidan taqdimotlar o'tkazilib, Osiyoda ayollar futboliga e'tibor qaratish kerakligi ta'kidlandi. 
— deya xabar beradi uff.uz nashri.