Joylarda millionlar o'yinini rivojlantirish va uning tadbiq qilish yo'lida qator keng samarali ishlarni olib borilmoqda. Xususan Jizzax viloyatida ham mana shunday ishlar yo'lga qo'yilgan. Jumladan «G'allakor» klubini tiklash va uni birinchi ligaga qaytarishga qattiq bel bog'lashgan. Xabaringiz bor, bu jamoa o'tgan yillarda moliyaviy tomondan muammolar bo'lgandi. Shu boisdan klub bu yil viloyat ikkinchi ligasida to'p surdi. Endilikda jamoa pulkada o'z omadini sinab ko'rmoqchi. Jamoani tayyorgarligi, tashkiliy ishlariga ma'sul etib tayinlangan mutaxassis Bahodir Karimov bilan suhbatlashdik. - Ikkinchi liga o'yinlarini tugatib olganimizdan so'ng bor e'tiborimizni pulka o'yinlariga qaratganmiz, - deb gap boshladi Karimov. Shu boisdan mahalliy o'yinchilar bilan mashg'ulotlarni boshlab yuborgan. Pulka o'yinlari sanasi aniq bo'lib ulgurganidan so'ng bir nechta boshqa viloyatlardan ham yaxshiroq o'yinchilarni taklif qilishni rejamizga kiritganmiz. Hozircha mahalliy o'yinchilar bilan yugurib turamiz. - Jamoaning bugungi holatini qanday baholaysiz?
- Hammasi yaxshi. Tuman hokimi jamoani birinchi ligaga qaytarishni rejalashtirgan. Shu boisdan barcha yordamlarni bermoqchi. To'g'ri, o'tgan mavsumlarda moliyaviy muammolar keragidan ortiq o'z ta'sirini ko'rsatdi. Natijada, qiyinchiliklar bo'lib, «G'allakor» birinchi ligadagi ishtirokini to'xtatishga majbur bo'lgandi. G'allaorollik aholi futbolni yaxshi ko'radi. Millionlar o'yini bilan hamnafas bo'lishni istaydi. Shu boisdan tuman hokimi jamoani qaytarishga bel bog'lagan. - Xabarlarga qaraganda, jamoaning maqsadlari tasdiqlansa, yangi murabbiy kelishi mumkin ekan...
- To'g'ri. Agar tuman hokimi barcha sharoitlarni yaratib berish va birinchi ligada mustahkam jamoa bo'lishligini tasdiqlab beradigan bo'lsa, OFK instruktori Zoir Hasanovni ishga taklif qilmoqchimiz. Xabaringiz bor, Zoir Ergashevich tajribali murabbiy. Mahalliy mutaxassisimizning bilim va ko'nikmalarini barchaga ma'lum. Uni jamoaga taklif qiladigan bo'lsak, natijalarimiz ham shunga yarasha o'zgarishi tabiiy. - Furqat O'rolov jamoani boshqarib kelardi. Uning jamoadagi taqdiri nima bo'ladi?
- Zoir Hasanov jamoani qabul qilib oladigan bo'lsa, Furqat O'rolov va Bahriddin Rahmonqulovlar unga yordamlashishadi. Uchta murabbiy o'zaro hamfikr bo'lib, klubni shakllantiradi. Mahalliy aholi jamoaning g'alabalariga o'rganib qolgan. Buning uchun yaxshi  murabbiyning ishiga talab oshaveradi. - Klub stadioni kelgusi yilga yaxshi ko'rinishga kelishi mumkinligi haqida ma'lumotlar paydo bo'ldi. Hozirda stadionda ta'mirlash ishlari olib borilyaptimi?
- Ha. Stadionimizni yaxshilashi va uning ichidagi sharoitlarni ko'ngildagidek chiqishi uchun rekonstruktsiya ishlarini yo'lga qo'yganmiz. Kelgusi yilda jamoamiz birinchi ligada o'ynaydigan bo'lsa, stadionimiz ham yaxshi sharoitlarga ega bo'ladi. Bu esa ishqibozlarni sifatli darajada o'yin namoyish etishiga sabab bo'ladigan omillardan biridir. Izzatbek Abduvahobov suhbatlashdi
— deya xabar beradi uff.uz nashri.