«Vest Xem» rahbariyati o'tgan yil sentyabrda Dimitri Payeni naq 1 mln. funt sterling miqdorida mukofot puli bilan siylagandi. Gap shundaki, Evro-2016da chinakamiga porlagan frantsuz futbolchisi kamtarin jamoada faoliyatini davom ettirishga ko'ngandi. Biroq xabaringiz bordir, «bolg'achilar» bosh murabbiyi Slaven Bilich yaqinda yarim himoyachi London klubida ortiq o'ynashni istamayotgani va shu sabab, mashg'ulotlarda qatnashmasligini ma'lum qildi. Keyinchalik «Vest Xem»ning Payeni transferga qo'yishi haqida xabarlar urchidi. FootballHD.ru sayti esa, shu bahona mo'may daromad ilinjida isyonkorlik yo'lini tutgan futbolchilarni eslab, ularning keyingi taqdiriga nazar soldi. Per van XOYDONK Mojarodan avvalgi holat. Gollandiyalik iqtidor sohibi NAKdagi sermahsul o'yinlari bilan evropalik mutaxassislar e'tiboriga tushgandi. Hujumchi «kalamushlar» safida 4 mavsum to'p surib, 80tadan ortiq gol urdi. Keyin «Seltik»dan qo'nim topdi. Shotlandiyadagi 2 yillik faoliyatidan so'ng «Notingem Forest» safidan joy oldi. Angliyadagi dastlabki yarim yil Xoydonk uchun omadli kechmadi - jamoa birinchi divizionni tark etdi. Yangi mavsumda esa yana yuqoriga ko'tarildi. Per ushbu muvaffaqiyatga 34ta gol urgancha salmoqli ulush qo'shdi. Mojaro. «Forest»da samarali o'ynagan hujumchi Gollandiya termasidan chaqiruv oldi va JCh-98da ishtirok etdi. Klubga qaytgach esa, rahbariyat tarkibni kuchaytirish o'rniga etakchilarni sotish bilan ovora bo'layotganiga duch keldi. Jumladan, avvaliga Perning oldingi chiziqdagi sherigi Kevin Kempbell, keyinroq jamoa sardori Kolin Kuper nottingemliklar bilan xayrlashdi. Natijada van Xoydonk ham o'zini transferga qo'yishlarini talab qildi. Biroq har safar rad javobini olaverdi. Oxir-oqibat, futbolchi o'zboshimchalik bilan Bredaga qaytdi. Yakun. Bir necha oylik sargardonlikdan hech qanday naf chiqmagach, futbolchi yana «Forest» ixtiyoriga bordi. Shunda klubda «isyonchi»lar uchun ibratli  voqea  yuz berdi: Per «Derbi Kaunti»ga qarshi kechgan o'yinda raqib darvozasini ishg'ol qildi va golni nishonlash maqsadida yugurdi. Biroq jamoadoshlari u chetda qolib, samarali uzatma muallifini tabriklay boshlashdi. Keyinchalik van Xoydonk «Benfika», «Feyenoord» va «Fenerbaxche» klublarida to'p surgan bo'lsada, ularning hech birida 2 yildan ko'proq ushlanib turmadi. Rahim STERLING Mojarodan avvalgi holat. «Liverpul» akademiyasining yorqin tarbiyalanuvchilaridan biri «qizillar» tarkibida samarali to'p surib, qatorasiga 2 marta jamoaning eng yaxshi yosh futbolchisi sifatida e'tirof etilgan, hattoki, Golden Boy sovrinini yutgandi. Rahim shu tariqa asosiy tarkibdan joy olib, asta-sekin etakchilar qatoriga qo'shildi. Lekin kutilmaganda, mo'may daromad tuzog'iga tushdi-qo'ydi. Mojaro. «O'ylashimcha, Sterling «Liverpul» sharafini himoya qilishni istaydi. Uning o'zi shuni bayon etdi. Endi hammasi futbolchining vakillariga bog'liq. Ular klub rahbarlari bilan kelishishlari lozim», - degandi Brendan Rojers. Oradan 2 hafta o'tgach, Rahim VVSga bergan intervyusida «Liverpul» taklifini rad etganini yashirmadi. Davomi iff.uz saytida. InterFutbol.uz`ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.