Qirg'iziston poytaxti Bishkek shahrida 15–17 fevral kunlari Osiyo futbol konfederatsiyasi va Xalqaro futbol federatsiyasi hamkorligida FIFAning Connect tizimini joriy etish bo'yicha seminar o'tkazilmoqda. Seminarda O'zbekiston, Tojikiston, Qirg'iziston va Turkmaniston vakillari ishtirok etmoqda. Mazkur tadbirda O'zbekiston nomidan O'zPFL etakchi mutaxassisi Baxtiyor Mametov qatnashmoqda. Seminar FIFA, OFK mutaxassislari, shunindek, Genius Sports IT-mutaxassislari tomonidan olib borilyapti. 2011 yili FIFA Ijroiya qo'mitasi tomonidan tasdiqlangan Connect tizimini O'zbekiston Professional futbol ligasida qo'llash ko'zda tutilgan. Mazkur dastur orqali qog'oz bilan ishlashdan voz kechilib, futbolchi, murabbiy, hakam va boshqa futbolga aloqador rasmiy shaxslarni elektron ro'yxatdan o'tkazishga o'tiladi. Boshqacha qilib aytganda, yuqorida ta'kidlangan shaxslarning ID raqami va shaxsiy ma'lumoti saqlanadigan o'ziga xos “pasporti” paydo bo'ladi. Ushbu ma'lumotlar FIFAning Connect ba'zasida saqlanadi. Bu yo'l orqali ma'lumotlar to'plash, saqlash va ularni xalqaro federatsiyalar bilan almashish ancha oson bo'ladi. 
— deya xabar beradi uff.uz nashri.