Yaqinda Frenk Lempard butsasini mixga ilganligini ommaga e'lon qildi. Faoliyatini “Vest Xem”da boshlagan Frenk agarda “bolg'achilar” safida qolganda qaysi futbolchilar bilan to'p surgan bo'lardi? Javobni maqolamiz orqali bilib olasiz. Darvozabon: Stiven Bayuoter Joriy klubi: “Berton” Darvozabon – ushbu pozitsiya londonliklar termasining tengsiz nuqtasi emas, albatta. Xarri Rednapp posbonni “Vest Xem”ga uning 16 yoshida olib keldi va natijada 1998 yildan to 2006 yilgacha Stiven londonliklarga sodiq xizmat qilib, 59 uchrashuv o'ktazdi. Kam o'yin amaliyoti albatta ajablantiradi. U ko'p marotaba ijaraga berib yuborilgan. 2006 yilda u “Derbi Kaunti”ga ko'chib o'tdi va ushbu klub safida 148 ta o'yin o'tkazdi. Chap qanot himoyachisi: Anton Ferdinand Joriy klubi: “Sautend Yunayted” Rio Ferdinandning ukasi Anton garchi akasi kabi hayratlanarli faoliyat yuritmagan bo'lsada, Tumanli Albionda yaxshigina nom qozona oldi. Anton “Sanderlend”, “Vest Xem”, va “QPR” kabi jamoalarda to'p surdi va hozirda “Sautend Yunayted” jamoasida to'p surmoqda. Markaziy himoyachi: Rio Ferdinand Faoliyatini tugatgan Rio uchun London shahri garchi muvaffaqiyat kaliti bo'lmagan bo'lsada, buyuk futbolchi bo'lib etishib chiqishi uchun ajoyib futbol maskani bo'lib qoldi. Rio faoliyatining katta qismini “MYu”da o'tkazdi va hozirda “qizil iblislar” afsonasi sifatida taniladi. Markaziy himoyachi: Jon Terri Joriy klubi: “Chelsi” Ha, 14 yoshigacha Jon Terri “Vest Xem” akademiyasida tahsil olgan va boz ustiga, yarim himoyachi pozitsiyasida to'p surgan. “Chelsi”ning haqiqiy afsonasi “aristokratlar” safida 20 yildan buyon harakat qilmqoda va allaqachon “Chelsi” ramziga aylanib ulgurgan.U hozirgacha 4 bora APL g'olibi bo'lgan. Hozirda u zaxirada va 5-titul sari yaqinlashmoqda. O'ng qanot himoyachisi: Glen Jonson Joriy klubi: “Stok Siti” Londonliklarning yana bir yuduzli o'g'loni Glen Jonson faoliyatining katta qismini top klublarda o'tkazgan. To'g'ri, “Chelsi”da uning ishlari a'lo darajada o'tmagan bo'lsa ham, “Liverpul” safida u naqd 6 yil harakat qildi va jamoaning o'ta muhim a'zosiga aylandi. Hozirda Glen “Stok Siti” tarkibida to'p suryapti. Markaziy yarim himoyachi: Frenk Lempard Faoliyatini tugatgan Bunday markaziy qo'rg'onga bosh egish kerak. Birinchi navbatda “Chelsi”ning navbatdagi afsonasi, klub ramzi Frenk Lempardni eslatib o'tishni lozim, deb topdik. Zamonaviy muxlislar Frenkni faqat “Chelsi”ga bog'liq futbolchi sifatida biladilar. Fakt shundan iboratki, Lempard “Vest Xem” tarkibida 148 uchrashuvda ishtirok etgan. Markaziy yarim himoyachi: Maykl Karrik Davomi Penalti.uz da
— deya xabar beradi uff.uz nashri.