Antaliyada o'quv mashg'ulot yig'inlarini o'tkazayotgan «Neftchi» jamoasi kecha rejadan tashqari yana bir o'yin o'tkazdi. Donetskning «Shaxtyor» U-21 jamoasi «Neftchi»ga rejadan tashqari o'rtoqlik o'yini o'tkazish taklifi bilan murojaat qildi. Andrey Fyodorov boshchiligidagi murabbiylar shtabi futbolchilarga yanada ko'proq o'yin amaliyoti bo'lishi uchun mazkur o'rtoqlik bahsiga rozilik berishdi.  «Shaxtyor» jamoasining 21 yoshgacha bo'lgan futbolchilarga qarshi o'yin ham qizg'in va murosasiz kurashlarga boy o'tdi. O'yinda vakillarimiz 2:1 natijasiga ko'ra raqibni taslim qilishdi. Farg'onaliklar safida Abbos Maxstaliev penaltini aniq amalga oshirgan bo'lsa, Abdujamol Isroilov ham o'z hisobiga gol yozib qo'ydi. Bu o'yinda jamoaning bir qator tajribali va legioner futbolchilariga dam berildi.  Donetskliklarning yoshlar jamoasiga qarshi bellashuv bo'lgani munosabati bilan Andrey Fyodorov ham mazkur uchrashuvda ko'proq yosh futbolchilar imkoniyat berdi. «Neftchi» Donetsk klubiga qarshi quyidagi tarkibda o'ynadi. Asosiy tarkib: Abdumavlon Abdujalilov, Hamza Karimov, Husniddin G'ofurov, Ibrohim No''monov,  Sardor Qulmatov,  Umid Qodirov, Abdujamol Isroilov, Nikita Pavlenko, Abdurahmon Abdulhaqov, Damir Nizanov, Mo'ydin Mamazulumov Zaxiradan maydonga tushganlar: Abbos Maxstaliev, Furqat Hasanboev, Javohir Rasulov
— deya xabar beradi uff.uz nashri.