Bugun, Angliya Kuboki musobaqasida sensatsiya qayd etildi. Gap shundaki, Angliyaning 5 divizion vakili «Linkoln Siti» jamoasi APL ishtirokchisi «Byornli»ni mag'lub etib, musobaqadan chetda qoldirdi. Shon Daych va uning shogirdlari safarda o'ynashlariga qaramay, uchrashuvda muvaffaqiyat qozonib Angliya Kuboki 1/4 finaliga yo'l oldi. «Linkoln»ning yagona goliga 89-daqiqada Shon Rajett mualliflik qildi. E'tiborlisi, «Linkoln» - 1912 yildan beri o'tkazib kelinadigan Angliya Kuboki musobaqasi tarixidagi chorak finalga yo'l olgan birinchi noprofessional jamoa hisoblanadi. Shuningdek, minglab internet foydalanuvchilari tarmoqda «Linkoln Siti»ning xatto FIFA 17 simulyatoriga kiritilmagani haqida hazilatomuz fikr bildirishga ulgurishgan. Byornli - Linkoln Siti 0:1 (0:0) Gol: Rajett, 89 (0:1).
— deya xabar beradi uff.uz nashri.