"Mexelen" klubi va Belgiya terma jamoasi darvozaboni Jan-Fransua Jille Belgiya chempionati 10 turida "Anderlext"ga qarshi kechgan uchrashuv (1:1) qahramoni bo'ldi. 36 yoshli darvozabon uchta penaltini qaytarishga muvaffaq bo'lgan.
Uchrashuvning 7-daqiqasida Belgiya yoshlar terma jamoasi futbolchisi Dennis Pret penaltidan Jillega gol urishning uddasidan chiqa olmadi. 14-daqiqada Stefan Okaka Chuki ham xuddi shunday qismatga duchor bo'lgan.
Uchrashuvdagi so'nggi, 89-daqiqada belgilangan 11 metrlik zarbani Yori Tilemans yo'llagan va uning zarbasini ham Jille bartaraf etgan. Shu tariqa "Mexelen" yirik hisobdagi mag'lubiyatdan qutulib qoldi va uchrashuvga qo'shib berilgan daqiqalarning to'rtinchisida hisobni tenglashtirib, durang natijaga erishgan.
— deya xabar beradi uff.uz nashri.