«Manchester Yunayted» rahbariyati jamoa bosh murabbiyi Joze Mourino xizmatlarini yuqori baholashda davom etmoqda. «Qizil iblislar» rahbariyati portugaliyalik mutaxassisga yangi shartnoma borasida taklif yuborishga tayyor. The Sun nashrining xabariga ko'ra, «Manchester Yunayted» Mourinoga 5 yillik shartnoma taklif etadi va yillik maoshi 2 million funtga oshiriladi. Shuningdek, «MYu» Mourinoga taklif etadigan yangi shartnoma bandiga, transferlar uchun 5 yil davomida milliard funt ajratishini alohida ko'rsatib o'tgan. Eslatib o'tamiz, «Manchester Yunayted»ning 27 yil boshqargan Aleks Fergyuson shuncha yilda transferlar xaridi uchun 500 million funt ishlatgan.
— deya xabar beradi uff.uz nashri.