Ispaniya chempionati 23-turidan o'rin olgan «Barselona» – «Leganes» uchrashuvi o'z nihoyasiga etdi. «Kamp Nou»da «Leganes»ni qabul qilgan kataloniyaliklar klubi qiyinchilik bilan raqibini mag'lub etdi. Uchrashuvning 4-daqiqasidayoq Leonel Messi jamoasini oldinga olib chiqqan bo'lsa, 71-daqiqada Unai Lopes muvozanatni tikladi. O'yin asosiy vaqtining so'nggi daqiqasida mehmonlar o'z jarima maydonlarida Neymarga nisbatan qo'pollik ishlatdilar, Messi esa belgilangan penaltini aniq amalga oshirdi va jamoasiga muhim uch ochkoni olib berdi. Ispaniya chempionati, 23-tur Barselona – Leganes 2:1  Gollar: 1:0 – 4 Messi, 1:1 – 71 Lopes, 2:1 –90, penalti Messi. Barselona – ter Stegen, Mate, Umtiti, Din (Alba, 81), Serdji Roberto, Rakitich, Andre Gomesh (Inesta, 80), Rafinya (Denis Suares, 80), Neymar, Messi, Suares. Leganes – Yago Errerin, Mantovani, Riko, Tito, Siovas (Insua, 87), Pires, Moran (Lopes, 65), Shimanovski (Machis, 70), Adames, El-Jar, Gerrero. Ogohlantirishlar: Suares (46), Mantovani (55), Siovas (87).
— deya xabar beradi uff.uz nashri.