"Barselona" yarim himoyachisi Andres Inesta Ispaniya chempionati doirasida "Leganes"ga qarshi kechgan o'yinning 80 daqiqasida zaxiradan maydonga tushdi (2:1).
Shu tariqa 32 yoshli futbolchining Ispaniya chempionatida "Barselona" tarkibida o'tkazgan o'yinlari soni 400 taga etdi. Bu borada Inesta ikkinchi o'rinda bormoqda. "Barselona" tarkibida Ispaniya chempionatida eng ko'p o'yin o'tkazgan futbolchi Xavi hisoblanadi. Uning hisobida 505 ta uchrashuv bor.
Eslatib o'tamiz, Inesta 2002 yildan buyon "Barselona" sharafini himoya qilib kelmoqda.
— deya xabar beradi uff.uz nashri.