Osiyo Chempionlar Ligasi musobaqasining guruh bosqichiga 20 fevral kuni start beriladi. Unda O'zbekistonning ikki klubi – “Lokomotiv” va “Bunyodkor”  ishtirok etadi.
O'zbekiston chempionligini qo'lga kiritgan Toshkentning “Lokomotiv” klubi OChL–2017 turnirini to'g'ridan-to'g'ri guruh bosqichidan boshlaydi. Jamoa “A” guruhidan joy oldi va pley-off bosqichiga chiqish uchun “Al-Taavon” (Saudiya Arabistoni), “Al-Ahli” (BAA) va “Istiqlol” (Eron, Tehron) klublari bilan kuch sinashadi.
“Temiryo'lchilar”ning ilk raqibi Saudiya Arabistoni vakili – “Al-Taavon” bo'ladi. Saudiyaliklar OChL musobaqasida birinchi marta ishtirok etmoqda. O'tgan mavsumda mamlakat chempionatida 4-o'rinni egallagan “Al-Taavon” o'z tarixida eng yaxshi natijani qayd etgandi.
Asosiy futbolchilar: Jehad Al Husayn, Talab Al Absi, Munir El Hamdui
Bosh murabbiy: Konstantin Galsa (Ruminiya)
“Lokomotiv” yangi mavsum oldidan Server Jeparov, Temurxo'ja Abduxoliqov, Sanjar Shoahmedov kabi futbolchilar bilan xayrlashgan bo'lsa-da, toshkentliklar o'z safini tajribali Shuhrat Muhammadiev, yosh iqtidor egalari Jaloliddin Masharipov va Diyor Turopov singari o'yinchilar bilan to'ldirdi. “Temiryo'lchilar” o'tgan mavsumda OChL–2016 da ajoyib o'yin namoyish qildi va chorak finalgacha etib bordi. “Lokomotiv” chorak finalda musobaqa finalchisiga aylangan BAAning “Al-Ayn” klubiga mag'lub bo'lgandi.
Asosiy futbolchilar: Timur Kapadze, Islom To'xtaxo'jaev, Sardor Mirzaev
Bosh murabbiy: Andrey Miklyaev
“Al-Taavon” (Saudiya Arabistoni) – “Lokomotiv”(O'zbekiston)
20 fevral, Burayda. 20:40 (Toshkent vaqti)
Bosh hakam: Ahmad Abu Bakar Said Al-Kaf (Ummon);
Qanot hakamlari: Hamid Sulaymoy Marhun va Abu Bakar Salim Mahad (har ikkisi Ummon);
Zaxira hakami: Iso Abdulla Hasan Muhammad Ali (Bahrayn);
Hakamlar nazoratchisi: Halid Jasim Halifa Alduki Alsenaani (BAA);
Uchrashuvi komissar: Talal Ali (Iordaniya).
— deya xabar beradi uff.uz nashri.