"Shalke" rahbariyati ijara asosida jamoada to'p surayotgan Evgeniy Konoplyankani "Sevilya"dan to'liq sotib olmoqchi. Bu haqida klub sport direktori Kristian Xeydel xabar berdi.
"Agarda Konoplyanka jamoamizda ijarada bo'lmaganda ham biz unga qiziqish bildirgan bo'lar edik. Biz uni to'liq sotib olmoqchimiz. Konoplyanka jamoamiz uchun muhim futbolchi hisoblanadi", - deydi Xeydel.
Eslatib o'tamiz, ukrainalik yarim himoyachi joriy mavsum Germaniya chempionatida 13 ta o'yinda maydonga tushdi va 1 ta gol urib, 1 ta golli uzatmani amalga oshirdi. 27 yoshli Konoplyankaning "Sevilya" bilan amaldagi shartnomasi 2019 yilning yoziga qadar davom etishi ko'zda tutilgan.
— deya xabar beradi uff.uz nashri.