Bilasiz, bugundan qit'amizda klublar miqyosidagi eng nufuzli turnir sanaladigan Osiyo Chempionlar ligasi start oldi. O'zbekiston chempioni – "Lokomotiv" jamoasi ilk turda Saudiya Arabistoniga safar uyushtiradi va "Al Taavon" klubi mehmoni bo'ladi. Anchagina qiziqarli o'tishi kutilayotgan mazkur bellashuvni SPORT telekanali jonli efirda olib ko'rsatadi. Uchrashuv mahalliy vaqt bilan 18:40 (Toshkent vaqti bilan 20:40)da start oladi. SPORT TV esa efirni 20:30dan boshlashni rejalashtirgan. “Al Taavon” (S. Arabistoni) – “Lokomotiv”(O'zbekiston) 20 fevral, Burayda. 20:40 (Toshkent vaqti) Bosh hakam: Ahmad Abu Bakar Said Al-Kaf (Ummon); Qanot hakamlari: Hamid Sulaymoy Marhun va Abu Bakar Salim Mahad (har ikkisi Ummon); Zaxira hakami: Iso Abdulla Hasan Muhammad Ali (Bahrayn); Hakamlar nazoratchisi: Halid Jasim Halifa Alduki Alsenaani (BAA); Uchrashuvi komissar: Talal Ali (Iordaniya).
— deya xabar beradi uff.uz nashri.