Toshkentning “Bunyodkor” jamoasi 21 fevral kuni Jidda shahrida “Al-Ahli” klubiga qarshi Chempionlar ligasining 1-tur uchrashuvini o'tkazadilar. Bugun har ikkala jamoa menejerlari o'rtasida yig'ilish bo'lib o'tdi. Unda bir qator tashkiliy masalalar muhokama qilindi. Tadbir davomida jamoalarning ertangi uchrashuvda qanday rangli liboslarda to'p tepishi ham aniqlab olishdi. Unga ko'ra, “Al-Ahli” oq, “Bunyodkor” qizg'ish rangli liboslarda to'p tepadigan bo'ldi. Eslatib o'tamiz, “Al-Ahli” – “Bunyodkor” uchrashuvi 21 fevral kuni Jiddadagi “Qirol Abdulloh Sport Siti” stadionida mahalliy vaqti bilan 20:15da (Toshkentda 22:15 bo'ladi) boshlanadi.
— deya xabar beradi uff.uz nashri.