Xabaringiz bor, bugun OFK chempionlar ligasi guruh bosqich 1-tur uchrashuvlari davom ettiriladi. Mamlakatimiz sharafini himoya qilayotgan Toshkentning bunyodkor klubi ushbu turda Saudiya Arabistonining “Al Ahli” jamoasiga qarshi bahs olib boradi.
Kecha jamoalar bosh murabbiylari o'rtasidagi matbuot anjumani bo'lib o'tdi. Anjumanning ikkinchi qismida mezbonlar bosh murabbiyi Kristian Gross OAV savollariga javob berdi
-Biz O'zbekistonning o'ziga xos xarakterga ega jamoasiga qarshi o'yin bo'sag'asidamiz. Bu bizni cho'chitmaydi. Keyingi bosqichga chiqish uchun 10 ochko etarli deb o'ylayman, -deya gap boshladi, Gross.
-Biz ertaga himoyada yaxshi o'ynay oladi. Shuningdek, bo'lajak uchrashuv ham barcha -musobaqalarning ochilish o'yinlarida bo'lgani singari qiyin o'tadi.
-Ertangi o'yinda bizdan xujumda aniqroq o'ynash talab etiladi.
-Shuniham aytishim kerakki, 1992 yilda “Al Ahli” jamoasini boshqargan Skolari 2009 yilda bunyodkorda faoliyat olib borgan, -deydi jiddaliklar ustozi Kristian Gross.
Eslatib o'tamiz, “Al Ahli” – “Bunyodkor” jamoalari o'rtasidagi uchrashuv bugun soat  22:15 da Jidda shahridagi “King Abdullah Sports City” stadionida bo'lib o'tadi.
— deya xabar beradi uff.uz nashri.