O'tgan safar siz aziz muxlislarni “PSJ” tarixidagi eng qimmatbaho sotuvlar bilan tanishtirgan edik. Bugun, mazkur turkumdan o'rin olgan navbatdagi jamoa bilan sizlarni tanishtiramiz. Demak, “Manchester Siti”ning qimmatbaho sotuvlari. 5. Xavi Garsiya – 13 mln funt Katta umidlar bilan “Benfika”dan salkam 16 mln funt evaziga harid qilingan Garsiya “shaharliklar” tarkibida ikki mavsum to'p tepadi va jamoa safida 80 ta o'yin o'tkazib, ikki bor gol kiritishning uddasidan chiqadi. Bu vaqt oralig'ida esa Garsiya “Siti” bilan APlda g'olib chiqadi va Angliya liga kubogini qo'lga kiritadi. 2014 yil esa Sankt-Peterburgning “Zenit” jamoasiga 13 mln funt evaziga borib qo'shilgan 30 yoshli himoyachi hozirda piterliklarning eng ishonchli futbolchilaridan biriga aylanib ulgurdi. 4. Robino – 18 mln 2008 yil jamoaga arab kapitali kirib kelganidan so'ng 41(ayrim manbalarda 42) mln evro evaziga “Real”dan sotib olingan Robino yozgi transfer oynasining so'nggi daqiqalarida “shaharliklar” bilan 4 yillik bitimga imzo chekadi. “Siti”dagi ilk mavsumida 15 ta gol kiritishning uddasidan chiqqan braziliyalik yarim himoyachi kelgusi mavsum bor-yo'g'i 12 uchrashuvda maydonga tushgan Robino avvaliga “Santos”ga ijaraga beriladi. So'ngra mavsum yakunida “Milan”ga 18 mln funt evaziga transfer qilinadi. 3. Mario Balotelli – 19 mln funt Robino ketganidan so'ng Roberto Manchini “Ittixod”ga o'z shogirdini olib keldi. Oz emas, 22 mln evro evaziga. SuperMarioning xizmatlaridan salkam 3 yil foydalangan “shaharliklar” 2013 yilgi qishki transferlar oynasi vaqtida “Milan”ga 19 mln funt evaziga sotib yuborishadi. Qayd etish joiz, Balotellining yo'liga doimo uning injiq xarakteri to'sqinlik qilib keladi va ayni shu sabab Manchesterdagi faoliyati ham uzoqqa cho'zilmaydi. Maqolaning davomi penalti.uz saytida
— deya xabar beradi uff.uz nashri.