Serbiyaning "Partizan" klubi futbolchisi braziliyalik Everton Luis futbol o'yini vaqtida raqib jamoa muxlislari tomonidan haqorat qilingandan so'ng ko'zida yosh bilan maydonni tark etdi. Bu haqda "Independent" nashri xabar berdi. "Rad" klubi ishqibozlari Evertonni maymunga o'xshatib, irqchilikka oid so'zlar va bannerlar bilan haqorat qilishdi. O'yin bir muddatga to'xtatildi va ushbu bannerlar olib tashlanib, muxlislar ogohlantirildi. — 90 daqiqa davomida meni haqorat qilishgani, mahalliy futbolchilarning ham ularga qo'shilganini ko'rib, qattiq ranjidim. Ularning barchasi menga qarshi edi. Ko'zimda yosh bilan chiqib ketdim, chunki men Serbiya xalqini yaxshi ko'raman, — deydi Luis o'yindan keyin.
— deya xabar beradi uff.uz nashri.