Bugun Oliy Liganing 29-tur uchrashuvlaridan o'rin olgan uchta bahs bo'lib o'tdi. Peshqadam "Paxtakor" safarda "Nasaf" bilan o'ynagan bo'lsa, "Lokomotiv" esa uyda "Mash'al"ni qabul qildi.
Mazkur o'yinlar ko'p narsani hal qilib berishi bois, barchaning diqqat markazida bo'lganligi sir emas. "Paxtakor" bir amallab "Nasaf"ni engdi. "Lokomotiv" bo'lsa uyda "Mash'al"ni mag'lub qildi. Bu esa intrigani so'nggi turlarga qadar qolishini ta'minladi. Ikki grandning g'alabasidan so'ng chempionatda hech narsa o'zgarganicha yo'q. "Sherlar" hamon peshqadamligini saqlab qolgan bo'lsa, "Loko" uni quvishda davom etmoqda.
So'nggi turgacha chempionatimizda tanaffus yuzaga kelmoqda. Bu esa ishtirokchilarning yanada ko'proq tayyorgarlik ko'rishlari va so'nggi turni yaxshi o'tkazib olishlari uchun yana bir imkoniyatdir. Lekin hali "Paxtakor" rasman chempion emas. Buni No''mon Hasanov "Nasaf" bilan bo'lgan bahsdan keyingi matbuot anjumanida aytib o'tdi. Chunki so'nggi turda hammasi bo'lishi mumkin.
Bir tomondan "Paxtakor"ning g'alaba qozonishi haqiqatga ko'proq yaqin. Chunki ular so'nggi turni uyda "Andijon"ga qarshi o'tkazishadi. "Lokomotiv" esa Namanganda mehmon bo'ladi. Shundan kelib chiqib ko'pchilik "Paxtakor"ni rasman chempion deyishlari mumkin. Lekin podadan oldin chang chiqarmaslik va so'nggi turni kutish maqsadga muvofiq bo'lardi.
Zero, so'nggi turda muxlislar bir-biridan qiziqarli va kutilmagan natijalarni bo'lishini kutishlari tabiiy. "Paxtakor"ning g'alabasidan oldin "Loko" ham "Navbahor"dan ochko olishi qiyin bo'lar. Har holda namanganda ochko olish oson ish emas. Vodiy jamoalari poytaxtliklarga qandaydir "syurpriz" tayyorlab qo'yishgan bo'lishsa ajabmas. Ko'ramiz, "Paxtakor" so'nggi turda chempionga munosib ekanligini isbotlab beradimikan?
— deya xabar beradi uff.uz nashri.