Kuni kecha Janubiy Koreya terma jamoasi bosh murabbiyi Uli Shtilike Evropada o'tkazgan ikki oylik ta'tildan so'ng Seul shahriga qaytib keldi. Uni xalqaro "Inchxon" aeroportida mahalliy jurnalistlar qurshab olishdi, biroz o'tib esa murabbiy savollarga javob qaytardi.
Eslatib o'tamiz, Janubiy Koreya termasi 23 mart kuni Xitoyga qarshi safar o'yinini o'tkazadi.
"Biz hamisha g'alaba uchun maydonga tushamiz. O'zbekiston bilan bo'ladigan so'nggi o'yingacha JCh-2018 masalasini hal qilamiz. Umuman, biz oldimizdagi barcha beshta o'yinning hammasini yutmoqchimiz, shu jumladan so'ngisini ham.
Aks holda Jahon chempionatiga chiqish masalasi ochiqligicha qolib ketadi. Oldimizda qat'iy grafik bor, unga amal qilishimiz shart.
Men qo'lostimdagi futbolchilarga ishonaman va ularga umid ko'zi bilan qarayman. Xitoyga qarshi o'yinga kelsak: Lippi kelgach, Chin yurti vakillari yanayam tezkor o'yin namoyish etishadi. Ular bizga bosim o'tkazishlari aniq. O'yin qiyin bo'ladi. Ammo, men muarbbiylar shtabida ish boshlagan Cha Du Ri va Syol Ki Xyonglarga ishonaman", - deydi Shtilike.
— deya xabar beradi uff.uz nashri.