Kuni kecha «Sport» telekanalida «Sokker klub» ko'rsatuvining navbatdagi soni efirga uzatildi. Tan olish lozim, ko'rsatuv ijodkorlarining auditoriya e'tiborini tortish uchun astoydil harakat qilishayotgani yaqqol sezilmoqda. Mana shunday ko'rsatuvlar ko'proq tayyorlansa, shubha yo'qki, sport o'yinlarini tomoshabinlarga taqdim etishga mas'ul sanalgan, ammo ma'lum muammolar tufayli bizni evrofutbol havosidan bahramand qilolmayotgan telekanalning obro'si ancha ko'tarilardi.
Qolaversa, kechagi son uchun tanlangan mavzu ham chakki emasdi - kelishilgan o'yinlar muammosi. Ushbu masala yuzasidan kim hammadan ko'proq faktlarni bilishi lozim? Mantiqan fikrlasak, albatta, O'FF qoshidagi Kelishilgan o'yinlarga qarshi kurashish qo'mitasi rahbari Ahrol Inoyatov! Aynan shuning uchun ham ko'rsatuvga Ahrol aka taklif qilindi, chog'i. Ammo u kishining efir davomida aytgan gaplari oldingilaridan unchalik farq qilmadi. Ya'ni tomoshabinlarga yangilik taqdim etilmadi. Ha, aytgancha, intervyudagi mana bu parcha ko'pchilikka noma'lum jihatlarni ochib berganini ham aytish joiz:
- Kelishilgan o'yinlarni aniqlovchi mutaxassislar guruhidan kimlar o'rin olishganini nomma-nom sanab bera olasizmi?
- Ha, albatta, bular - Samvel Babayan, Igor Shkvirin, Sardor Rahmatullaev, Farhod Magometov, Baxtiyor Boboev, Ravshan Ermatov. Hozir mana, Kapadze (Tohir aka nazarda tutilgan bo'lsa kerak, albatta)ni jalb etishni ko'zlab turibmiz. Keyinchalik «Neftchi» va «Nasaf»dan ham vakillar chaqiramiz.
Qiziq, bu tarkib kelishilgan o'yin­larni fosh qilishga mas'ul maxsus komissiya uchun juda hayratlanarli emasmi? O'zi biror-bir klubda murabbiylik kursisini egallab turgan shaxs bunday komissiya tarkibiga kirishga haqlimi? Bordiyu, qo'mita a'zolaridan qaysidir biri shu xildagi mojarolarga aralashib qolsa, unda nima bo'ladi? Ana endi intervyuning davomini e'tiboringizga havola qilamiz:
- Siz aytgan shu mutaxassislar orasida kelishilgan o'yinlarda ishtirok etganlar yo'qligiga kafolat bera olasizmi?
Davomi InterFUTBOL gazetasi blogida.
— deya xabar beradi uff.uz nashri.