“Napoli” jamoasi hujumchisi Lorentso Insine Angliya premer-ligasi vakili – “Arsenal”ning qiziqishlar doirasiga tushib qoldi. Ingliz nashrlarida qayd etilishicha, “Arsenal” rahbariyati neapolliklar bilan hujumchining transferi borasida muzokaralarni boshlaydi. Transfer narxi 35–40 million evroni tashkil qilishi mumkin. Lorentso Insine joriy mavsumda “Napoli”ning barcha o'yinlarida 8ta gol urib, 6ta golli uzatmaga mualliflik qilgan. Qayd etish kerakki, mahoratli futbolchining “Napoli” bilan amaldagi shartnomasi 2019 yilga qadar mo'ljallangan.
— deya xabar beradi uff.uz nashri.