«Barselona» «Manchester Siti» himoyachisi Nikolas Otamendiga qiziqish bildirmoqda. Squawka nashrining xabariga ko'ra, kataloniya jamoasi Otamendi transferi borasida «Real» bilan kurashga kirishdi. Eslatib o'tamiz, «qirollik klubi» portugaliyalik himoyachi Pepe jamoadan ketgan holda Otamendini sotib olishni rejalashtirishgandi. «Barselona» bundan avval Nikolas Otamendi transfer huquqini «Valensiya» sharafini himoya qilayotgan paytda sotib olishga urunib ko'rgandi, lekin himoyachi «Manchester Siti» futbolchisiga aylanishni lozim bilgandi. Endilikda, kataloniyaliklar yana argentinalik futbolchini o'z tarkiblarida ko'rishni istamoqda. Ma'lumot uchun, Nikolas Otamendining transfer narxi 35-40 million evro atrofida bo'lishi mumkin.  
— deya xabar beradi uff.uz nashri.