Bugun Evropa chempionlar ligasi musobaqasining markaziy o'yinlaridan biri Manchester shahrida bo'lib o'tadi. Bu o'yin ahamiyati bitta uchrashuvda hal bo'lmasada lekin bugungi bellashuv chinakamiga qiziqarli va raqobatbardosh bo'lishini avvaldan tahmin qilish mumkin. Ho'sh, bugun Gvardiolaning futbolga olib kirgan nozik usuli natija keltiradimi? Yoki Leonardu Jardimning futbolga bo'lgan yovvoyi qarashlari? IMKONIYaTLAR 51/49 APL chempionatida javlon urayotgan «Manchester Siti» jamoasi himoyachilari negadir ishonchsiz o'ynashmoqda, barchaning yoqimtoyiga aylanib borayotgan Jon Stounz bora-bora «Etixad» stadionida eng yomon kimsalardan bo'lib qolmoqda. «Monako»da esa aksincha, Evro mavsumning eng yaxshi hujumchilari tandemini hosil qilgan Falkao, Jermen, Silva va Lemar bugungi o'yinda Gvardiolaning Manchesterdagi hayotini qiyinlashtirib yuborishi mumkin. Kataloniyalik mutaxassis pley-offga yo'l olishdan avval o'tkazilgan matbuot anjumanida ham agar «Manchester Siti» «Monako» jamoasiga to'g'ri kelgudek bo'lsa, frantsiyaliklar to'sig'idan o'tib olish qiyinlashishini aytib o'tgandi. Lekin, bugungi o'yinga keladigan bo'lsak, «Manchester Siti» o'z maydonida to'p surishini. inobatga olib, mezbonlarda imkoniyat biroz yuqori ekanligini aytish mumkin. Uning ustiga Gvardiola shogirdlari xar mavsum EChLning 1/8 finalidan osonlikcha keyingi bosqichga o'tib kelishgan. Pep jamoaning ishongan himoyachisi Vinsent Kompani va «braziliyalik yigitcha» Jezusni jarohati tufayli maydonga tushira olmaydi, monakoliklar esa «yaratuvchi» vazifasida harakatlanadigan futbolchi Boshilisiz o'yinni o'tkazishga majbur bo'lishadi. ShAHS SERXIO AGUERO Haqiqatdan ham haqiqat achchiq bo'ladi deganlari to'g'ri ekan. Ko'p yillik umr kunlarini «Manchester Siti»ga bag'ishlagan Serxio Aguero o'rnini uzoq Braziliyadan tashrif buyurgan Gabriel Jezus bir zumda egallab oladimi? Argentinalik futbolchi asta-sekinlik bilan «Manchester Siti»dagt etakchi nomini yo'qotayotgan bir paytda, yuqorida keltirib o'tgan Gabriel Jezus ismli futbolchining jarohati Agueroni mana ikki – uch o'yindirki yana maydonga qaytishida omil bo'lib xizmat qilmoqda. Braziliyalik yosh iqtidor sohibi jarohat olgani chindan ham Agueroni maydonga qaytib «shaharliklar» muxlislarning o'ziga bo'lgan ishonchini qaytarishida katta hissa qo'shadi. Bugun «Manchester» mashinasi tarkibida Serxiodek kuchli hujumchi ishtirok etadi, argentinalik futbolchining EChL guruh bosqichida o'tkazgan 6ta o'yinda urgan 6ta golini hisobga olish darkor. U bugun o'sha gollar sonini yana ko'paytirish imkoniyatiga ega. RADAMEL' FAL'KAO Radamel Falkaoni taniysizmi? Albatta, uni Angliya chempionating etakchi jamoalari tarkibida faoliyat olib borganidan yaxshigina xabaringiz bor. Lekin, uning «tumanli o'lkada» o'zidan yaxshi xotiralar saqlab qolganini eslay olmasligingiz mumkin. Chunki, «MYu» va «Chelsi» kabi grand jamoalar safida faoliyat olib borgan «omadsiz» laqabli hujumchi Frantsiyaga qaytib ketma-ket gollar urishni boshlab yubordi. To'g'ri, uni Angliyada gol urmadi desak xato qilgan bo'lamiz-u, ammo Falkao kabi hujumchiga 36ta o'yinda 5ta gol urish bu yarashmaydigan, o'ta yarashmaydigan holat. («Manchester Yunayted», o'yin 26-4, «Chelsi» 10-1). Frantsiya chempionatiga qaytgan kolumbiyalik hujumchi hisobida ayni payt 28ta o'yinda urilgan 22ta gol mavjud bo'lib turibdi. Ko'ramiz, qaysi jamoa hujum chizig'i kuchli bo'lsa, aynan mana-shu jamoa bugungi qiziqarli bahsda g'alabaga erishadi. Ikkala jamoa imkoniyatlaridan kelib chiqib, o'yin hisobini avvaldan tahmin qilish mushkul. Lekin nima bo'lgan taqdirda ham biz bugun Manchesterda haqiqiy futbol jangiga guvoh bo'lamiz. Tahminiy tarkiblar: Manchester Siti: Kabalero, Otamendi, Stounz, Sabaleta, Kolarov, Fernandino, Silva, Ture, De Bryuyne, Sane, Aguero. Monako: Subashich, Mendi, Raji, Sidibe, Glik, Fabino, Bakayoko, Lemar, Silva, Jermen, Falkao. O'yinda qatnashmaydigan futbolchilar: Kompani, Jezus, Gyundogan – Boshilya, Jemerson. www.UFF.UZ versiyasi bo'yicha tahminiy hisob: 2:2. Akmal Eshonxonov
— deya xabar beradi uff.uz nashri.