Saudiya Arabistonining Jidda shahridagi "King Abdullah Sports City" stadionida Osiyo Chempionlar ligasi guruh bosqich 1-turidan o'rin olgan "Al-Ahli" hamda "Bunyodkor" klublari o'rtasidagi uchrashuv boshlanish arafasida.
Biz ushbu sahifa orqali o'yinning asosiy tafsilotlarini yoritib borishga harakat qilamiz.
O'zbekiston vakiliga omad yor bo'lsin!
OChL-2017, 1-tur "Al-Ahli" - "Bunyodkor" 1:0 (birinchi bo'lim)
Gol: 1:0 - 13 Al Soma.
“Al Ahli”: Al Musaylem, Muhammad, Al Jassam, Al Soma, Fetfatzidis, Abdulshafi, Al Muvallad, Havsavi, Al Rubai, Asiri, Abdulamir.
“Bunyodkor”: Murodjon Zuhurov, Rustam Ashurmatov, Akram Komilov, Dushan Michich, Javlon Ibrohimov, Shahzod Nurmatov, Eldor Shomurodov, Dostonbek Hamdamov, Nurillo To'xtasinov, Dilshod Ahmadaliev Otabek Shukurov. ***** 0'. Hademay o'yinga start beriladi 0'. Futbolchilar maydonda. Birozdan so'ng o'yin boshlanadi. 1'. Demak, o'yinga start berildi. 2'. "Bunyodkor" o'zining ilk burchak zarbasini ishlab olgandi, biroq bundan naf chiqmadi. 5'. Hamyurtlarimiz o'yin tashabbusni o'z qo'llariga olishga urinmoqdalar. 7'. Nurmatov raqib jarima maydonchasi ichida yiqilgandi, biroq hakam bunga e'tibor qaratmadi. 9'. "Al-Ahli" jarima zarbasi ishlab olgandi, ammo jarima maydonchasiga uzatilgan to'p himoyachilarimiz tomonidan qaytarildi. 13'. GOOL! Al Soma hisobni ochdi! 13.  Akram Kolimov to'pni ortga oshirishda juda qo'pol xatoga yo'l qo'ydi va Al Soma qiyinchiliksiz bir-birga vaziyatda Zuhurovni dog'da qoldirdi - 1:0. Sovg'a qildik! 17'. Vaziyatni o'nglash kerak yigitlar! 19'. To'xtasinovda juda qulay vaziyat bo'lgandi. Sherigi to'pni jarima maydonchasiga Nurilloning oyog'iga tashlab berdi, biroq u yaqin masofadan raqib darvozabonini dog'da qoldira bilmadi. 23'. Umar Al Somaga Zuhurov darvozasi tomon zarba yo'llab juda ko'p yo'l qo'yishmoqda. Bu safar uning boshi bilan zarbasidan to'p darvoza to'sini ustidan o'tib, maydonni tark etdi.
— deya xabar beradi uff.uz nashri.