«Real» bosh murabbiyi Zinedin Zidan «Barselona»ning hozirgi holati inqirozda emasligini aytib o'tdi. Eslatib o'tamiz, Luis Enrike shogirdlari oxirgi o'tkazgan ikkita o'yinning birida PSJga yirik hisobda mag'lubiyatga uchrashdi va Ispaniya chempionati bahsida «Leganes» ustidan qiyinchilik bilan g'alabaga erishishgandi. Avvalroq, «Manchester Siti» bosh murabbiyi Xosep Gvardiola «Barselona» qay ahvolda bo'lsada Evropaning eng kuchli jamoasi bo'lib qolishini ta'kidlagan edi. «Barselona»da inqiroz yuzaga kelganmi? Yo'q, albatta, men bunday o'ylamayman. Kataloniyaliklar avvalgi mavqeisini tiklashadi», —deydi Zidan Goal.com saytiga bergan intervyusida.
— deya xabar beradi uff.uz nashri.