Saudiya Arabistonining Jidda shahridagi "King Abdullah Sports City" stadionida Osiyo Chempionlar ligasi guruh bosqich 1-turidan o'rin olgan "Al-Ahli" hamda "Bunyodkor" klublari o'rtasidagi uchrashuv o'z nihoyasiga etdi. Uchrashuvning 13-daqiqasida Umar Al Soma himoyachimizning xatosidan so'ng mezbonlarni hisobda oldinga olib chiqdi. Shundan so'ng hamyurtlarimizda bir nechta xavfli vaziyatlar bo'ldi, biroq omad "qaldirg'ochlar"ga kulib boqmadi. O'yinning 53-daqiqasida Salmon Muvashar oradagi farqni ikkita golga etkazdi. Shu tariqa "Bunyodkor" OChLdagi ilk o'yinni mag'lubiyat bilan boshladi. OChL-2017. 1-tur
"Al-Ahli" –"Bunyodkor"  2:0
Gollar: Al Soma 13, - 1:0, Muvashar 53, - 2:0. "Al-Ahli":  Al Musaylim, Muvashar, Al Jassim, Al Soma (Asiri, 90+3), Fetfattsidis (Al Bassas, 70), Abdulshafi, Al Muvallad, Havsavi, Rubaie, Tavfiq (Al Moqahvi, 77), Abdulamir
 
"Bunyodkor": Zuhurov, Ashurmatov, Komilov, Michich, Ibrohimov, Nurmatov (Chemirtan, 55), Shomurodov, Hamdamov, To'xtasinov (Esonqulov, 71), Ahmadaliev, Shukurov (Sanoev, 61) Ogohlantirishlar: Ahmadaliev 65, Al Bassas 82, Ibrohimov 90(+1)
— deya xabar beradi uff.uz nashri.