Bugun jamoamiz qarorgohida futbol qoidalaridagi o'zgarishlar yuzasidan seminar bo'lib o'tdi. Seminarni FIFA referisi Vladislav Tseytlin olib bordi. Vladislav Grigorevich FIFA instruktorlari tomonidan maxsus tayyorlangan videoroliklar orqali qoidalarga kiritilgan o'zgarishlar bo'yicha jamoa a'zolariga tushuncha berdi. Murabbiylar va futbolchilar o'zlarini qiziqtirgan savollarga javob oldilar. "Obod" bugun navbatdagi nazorat uchrashuvini o'tkazadi. "Sergeli" sun'iy qoplamali maydonida bo'lib o'tadigan bahsda  "Obod" "Sho'rtan"ga raqib bo'ladi. Bellashuv 10:30da boshlanadi.
— deya xabar beradi uff.uz nashri.