«Real» klubi prezidenti Florentino Peres va hujumchi Krishtianu Ronaldu Chempionlar ligasidan o'rin olgan PSJ ga qarshi o'yindan oldin uchrashishdi. Peres futbolchilar bilan «Santyago Bernabeu» kiyinish xonasi yonida salomlashgan. Navbat Ronalduga etganda, prezident undan yaqinda bergan intervyusiga izoh so'ragan. Futbolchi, o'z navbatida, Peres uning so'zlarini noto'g'ri tushunganini ta'kidlagan. Eslatib o'tamiz, o'tgan hafta Ronaldu Kicker nashriga bergan intervyusi chog'ida boshqa jamoaga o'tishi mumkinligiga sha'ma qilgan edi. "Men "Real"dan ketishim mumkinmi? Nega endi yo'q? Men hozirda Madridda o'ynayapman, biroq futbolda hamma narsa bo'lishi mumkin. Seni baxtli qiladigan ishni amalga oshirishing lozim. Ertaga nimalar ro'y berishini hech kim bilmaydi", - degandi o'shanda Ronaldu.
— deya xabar beradi uff.uz nashri.