Yangi mavsum tayyorgarliklarini olib borayotgan "Nasaf" jamoamiz bugun navbatdagi nazorat uchrashuvini o'tkazadi. Nazorat uchrashuvida jamoamizga Navoiyning "Qizilqum" jamoasi raqiblik qiladi. Ushbu nazorat uchrashuvi Toshkent shahridagi  "Bunyodkor" futbol akademiyasi maydonida soat 12:00da boshlanadi. Ayni vaqtda konchilar safida bir qator sobiq "Nasaf" jamoasi o'yinchilari faoliyat yuritayotgani, bo'lajak o'yinga qiziqishni oshirishi turgan gap. "Nasaf" tarkibida bugun kimlar maydonda harakat qilishi ham muxlislar diqqat markazida turibdi. Hamma katta qiziqish bilan kuzatib borayotgan yosh yarim himoyachimiz Azizjon G'aniev kecha jamoamiz safiga qo'shilgan. Ammo u shu kunlarda yana safar taraddudini ko'rmoqda. Uning bugun maydonga tushish yoki tushmasligini albatta murabbiylar hal qilishadi. Xullas, bugungi uchrashuv, nazorat uchrashuvi maqomida bo'lsa ham, qiziqarli bo'lishiga shubha yo'q.
— deya xabar beradi uff.uz nashri.