Madridning "Real" klubi bosh murabbiyi Zinedin Zidan yarim himoyachi Isko madridliklar safidagi kelajagiga shubha bilan qarashini tushunishini aytib o'tdi. Eslatib o'tamiz, Isko yozda jamoadan ketishga hozirlik ko'rayotgani aytilgan edi.
"Iskoning shubhasini tushunaman va bu o'rinda hech qanday muammo yo'q. Ayni vaqtda hamma jamoa oldiga qo'yilgan vazifaga bor e'tiborni qaratgan. Futbolchi 20 yoki 26 ta o'yinda maydonga tushishi mumkin, ammo zaxira o'rindig'iga o'tirgani unga hech qachon yoqmaydi. Bunaqasi har doim ro'y berib turadi.
Ammo biz har uch kunda maydonga tushamiz va barcha futbolchilar mavsum oxiriga qadar safda bo'lishini istayman. Ixtiyorimda 24 nafar juda kuchli futbolchi bor. Va men bir futbolchini boshqasiga almashtirar ekanman, bunga sabab kimdir menga ko'proq yoqishi emas", - deydi Zidan.
— deya xabar beradi uff.uz nashri.