«Real» klubi yarim himoyachisi Isko madridliklarning ashaddiy raqibi bo'lgan «Barselona»ga o'tib ketishi mumkin. Kataloniyaliklar Iskoga jiddiy qiziqish bildirishmoqda.
Xabar qilinishicha, «Barselona» yarim himoyachini «Malaga»da o'ynagan vaqtlardayoq kuzatib borgan. Isko 2013 yilda «Real»ga o'tib ketgan edi. Biroq «Barselona» Iskoga qiziqish bildirayotgan yagona klub emas. Yarim himoyachini shuningdek «Yuventus», «Chelsi» va «Manchester Siti» klublari ham sotib olish istagini bildirgan.
Biroz vaqt muqaddam Isko yozda boshqa jamoaga ketishni istashi xabar qilingan edi. Joriy mavsumda futbolchi Ispaniya chempionatida 17 ta o'yinda maydonga tushgan va 5 ta gol urib, 4 ta golli uzatmani amalga oshirgan. Uning amaldagi shartnomasi 2018 yilning yoziga qadar davom etishi lozim.
— deya xabar beradi uff.uz nashri.