Yangi mavsum tayyorgarliklarini olib borayotgan "Nasaf" jamosi bugun navbatdagi nazorat uchrashuvini o'tkazadi. Nazorat uchrashuvida qarshiliklarga Navoiyning "Qizilqum" jamoasi raqiblik qiladi. Bu haqda qarshiliklar matbuot xizmati xabar berdi.
Ushbu nazorat uchrashuvi Toshkent shahridagi  "Bunyodkor" futbol akademiyasi maydonida soat 12:00da boshlanadi. Ayni vaqtda konchilar safida bir qator sobiq "Nasaf" jamoasi o'yinchilari faoliyat yuritayotgani, bo'lajak o'yinga qiziqishni oshirishi turgan gap.
"Nasaf" tarkibida bugun kimlar maydonda harakat qilishi ham muxlislar diqqat markazida turibdi. Hamma katta qiziqish bilan kuzatib borayotgan yosh yarim himoyachimiz Azizjon G'aniev kecha jamoa safiga qo'shilgan. Ammo u shu kunlarda yana safar taraddudini ko'rmoqda. Uning bugun maydonga tushish yoki tushmasligini albatta murabbiylar hal qilishadi.
Avvalroq Aziz G'aniev Kievning "Dinamo" klubida ko'rikdan o'tayotgani haqida ma'lumot berilgandi.
— deya xabar beradi uff.uz nashri.