«Manchester Yunayted» hujumchisi Ueyn Runi jamoadan ketmaydigan bo'ldi. Garchi Xitoy klublaridan biri juda foydali taklif bilan chiqqan va «Manchester Yunayted» rahbariyati Runining ketishiga rozi bo'lsada, hujumchi qolishga qaror qildi.
Ueyn Runi Xitoyga o'tgan taqdirda maoshi haftasiga 1 million funt bo'lishi xabar qilingan edi. Shu tariqa 31 yoshli hujumchi dunyoning eng ko'p maosh oladigan futbolchisiga aylanardi. Eslatib o'tamiz, Xitoyda transfer mavsumi 28 fevralda yakuniga etadi. Runiga «Guanchjou Evergrand» va «Beytszin Goan»dan qiziqish bo'lgani aytilgan.
Ueyn Runining «Manchester Yunayted» bilan amaldagi shartnomasi 2018 yilning yoziga qadar davom etishi ko'zda tutilgan. Klub ushbu muddatni yana bir yilga uzaytirish huquqiga ega.
— deya xabar beradi uff.uz nashri.