Frantsiyaning “Evian” jamoasi qarzdorlik sabab professionallik maqomidan ajralishga majbur bo'ldi. Umuman ushbu holat frantsuz futbolida oddiy holga aylanib ulgurdi va mamlakat futbolining eng og'riqli nuqtalaridan biri bo'lib qolmoqda. Biz esa Frantsiyada so'nggi 10 yilda huddi “Evian” kabi professionallik maqomini yo'qotgan jamoalar bilan tanishtiramiz. “Set”(2008 yil) Erishgan natijalari: Frantsiya chempioni(1934, 1939), Frantsiya kubogi(1930, 1934) Frantsuz futbolida “oltin dubl”ga erishgan ilk klub aynan “Set”dir. Biroq ushbu jamoa 2008 yil professionallik maqomini yo'qotgan va mamlakatda nufuzi jihatdan sakkizinchi o'rinda turuvchi ligaga “surgun qilingan” edi. Jamoa asta-sekinlik bilan yana yuqoriga intilmoqda va ayni vaqtda 4 ta divizion “sakrab” mamlakatda nufuzi jihatdan to'rtinchi o'rinda turuvchi “CFA”da o'ynamoqda. “Genon”(2011 yil) Erishgan natijalari: Frantsiya liga kubogi(2000) 2011 yil Frantsuz futboli katta yo'qotishlarga uchradi. O'sha yili bir yo'la uch klub professionallik maqomidan mahrum etildi. Ular orasida “Genon” ham bor edi. 1940 yilda tashkil etilgan jamoa u qadar katta muvaffaqiyatlarga erishmagan. Yangi asr boshi jamoaning “oltin davri” edi. O'shanda “Genon” Frantsiya kubogi chorak finaliga qadar etib brogan bo'lsa, liga kubogida “PSJ”ni ortda qoldirishga erishadi va quyi ligada to'p surib, ushbu sovringa ega chiqqan daslabki jamoa bo'ladi. 2011 yil esa klub professionallik maqomini yo'qotadi va Burgundiya chempionatida faoliyat yurita boshlaydi. “Grenobl”(2011 yil) Erishgan natijalari: Liga 2 g'olibi(1959/60, 1961/62), Frantsiya kubogi choark finalchisi(1952/53, 2000/01, 2004/05) Frantsiyaning eng qadimiy jamoalaridan biri bo'lgan “Grenobl” doimo quyi ligalarda to'p surib kelgandir va katta yutuqlarga erishmagan. O'z vaqtida yaponiyalik investorlar tomonidan sotib olingan klub 2011 yil moliyaviy inqiroz holatiga tushib qoladi va bankrot deb e'lon qilinadi. O'shandan buyon “Grenobl” jamoasi havaskorlar ligasida faoliyat olib bormoqda. “Strasbur(2011) Erishgan natijalari: Frantsiya chempioni(1978/79), Frantsiya kubogi(1950/51, 1965/66, 2000/01), Frantsiya liga kubogi(1963/64, 1996/97, 2004/05), Liga-3 g'olibi(2015/16) Uzoq o'tmishga ega bo'lgan “Strasbur” mamlakatning eng sovrindor jamoalaridan sanaladi. 2007 yil oliy divizionga chiqqan klub rahbariyat almashinuvi tufayli uchinchi divizionga tushib ketadi. 2011 yil iyulda esa professionallik maqomidan ayrilgan klub kuchliligi jihatdan beshinchi o'rinda turuvchi ligaga ravona bo'ladi. Biroq “Strasbur” yana asta-sekin o'zga kelmoqda va hozirda kuchliligi jihatidan ikkinchi o'rinda turuvchi ligada faoliyat yuritmoqda. Maqolaning davomi penalti.uz saytida
— deya xabar beradi uff.uz nashri.