Italiya terma jamoasi bosh murabbiyi Jampero Ventura “Nitstsa” klubi hujumchisi Mario Balotelli qaysi holatda milliy termaga qaytishi mumkinligini aytib o'tdi. “Biz yuzma-yuz uchrashib, barchasini muhokama qilishimiz kerak. Hozircha uning fe'l-atvorida ijobiy o'zgarishlarni ko'rmadik. Mario juda iste'dodliligini hech inkor etmaydi, ammo qolgan barchasi… Balotelli o'zgarishi kerak. Terma jamoa uning xizmatlaridan foydalana olmasa, yaxshi ish bo'lmaydi”, — deydi Ventura. Ushbu mavsumda Balotelli Frantsiya chempionatining 14ta bahsida, 9ta gol urgan va ikki bor qizil kartochka bilan jazolangan.
— deya xabar beradi uff.uz nashri.