O'tgan hafta ro'y bergan voqealar O'zbekistonda futbol darhaqiqat rivojlanayotganini bildirdi. Yo'q, bu ishonch yangi qurilgan stadionlar yoxud jamoalarimizning (albatta, yoshlar va o'smirlar darajasida) erishayotgan yutuqlari bilan bog'liq emas. Aslini olsak, zamonaviy inshootlar va infratuzilma a'lo darajada, demak endi ulardan foydalanishni ham o'rganish lozim. O'z navbatida, bugun yurtimizda millionlar o'yini rivojiga hissa qo'shayotgan yana bir mavzuga to'xtalishni joiz topdik. So'nggi paytlarda UzReport haqida juda ko'p gapirildi. Ha, bu kanal avvaliga APL va EChL, keyin esa Evropa Ligasi hamda Ispaniya chempionati translyatsiyalari huquqini sotib olib, muxlislarga ko'p syur-prizlar taqdim etdi. Ishonamizki, hali bu kabi sovg'alar davomli bo'ladi. Ammo bizni UzReportdan ham ko'ra ko'proq o'zimizning qadrdon «Sport» kanali hayron qoldirdi, desak mubolag'aga yo'ymang. Ha, nihoyat orziqib kutilgan voqea ro'y berdi - «Sport» telekanalida Italiya «A» seriyasi va Frantsiya chempionati o'yinlari translyatsiya qi-linmoqda. Darhaqiqat, Evropaning kuchli chempionatlari bahslarini jonli efirda kuzatishga nima etsin? Nihoyat, shu kunlarga etganimizdan benihoya xursandmiz. Aslida, «Sport»­ning bu borada tashabbus ko'rsatishi haqida anchadan buyon gapirilayotgandi. Tinimsiz sa'y-harakatlar samarasi o'laroq, millionlab muxlislar shiddatli uchrashuvlar jozibasidan bahra olish imkoniyatini qo'lga kiritishdi. To'g'ri-da, futbol rivoji faqat yashil maydondagi g'alabalar, degani emas-ku. Agar shunday bo'lganida, hozir sportning bu turiga faqat Evropa va Janubiy Amerikadagilar qiziqishardi, xolos. Futbolning millionlar o'yiniga aylanishiga sabab - u boshqa sport turlariga qaraganda ommaviyroq. Futbolga nisbatan mehr- ning oshishida esa translyatsiyalarning o'rni beqiyos. Davomi: www.interfutbol.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.