Evropa Chempionlar ligasi musobaqasining guruh bosqich 4-turidan o'rin olgan "Bavariya" hamda "Arsenal" klublari o'rtasidagi uchrashuv nihoyasiga etdi. Unda 5:1 hisobi qayd etilib, myunxenliklarning g'alabasi bilan yakunlandi. O'yin kutilganidek, shiddatli hujumlarga boy tarzda o'tdi. Birinchi bo'limdayoq maydon egalari 3:0 hisobida oldinga o'tib ketishdi. Levandovski, Myuller va Alabalar gol muallifiga aylanishdi. "Arsenal" ham o'z navbatida golli vaziyatlarni yaratishga harakat qildi, ammo buning uddasidan chiqa olmadi. Ikkinchi bo'limda zaxiradan maydonga tushgan Aren Robben jamoasining to'rtinchi golni urdi. Londonliklardan faqatgina Jiru bitta javob to'pini kiritishga muvaffaq bo'lgan bo'lsa, so'nggi daqiqalarda Myuller oxirgi "nuqta"ni qo'ydi. Shu tariqa "Bavariya" Londondagi mag'lubiyat alamini ortig'i bilan oldi.
Evropa Chempionlar ligasi, 4-tur
Bavariya Germaniya – Arsenal Angliya 5:1 (3:0, 2:1)
Gollar: 1:0 – 10 Levandovski, 2:0 – 29 Myuller, 3:0 – 44 Alaba, 4:0 – 55 Robben, 4:1 – 69 Jiru, 5:1 – 89 Myuller.
Bavariya – Noyer, Lam, Boateng (Benatiya, 68), Martines, Alaba, Xabi Alonso, Koman (Robben, 55), Myuller, Alkantara, Duglas Kosta, Levandovski (Vidal, 71).
Arsenal – Chex, Debyushi, Mertesaker, Gabriel, Monreal, Koklen, Kasorla (Chembers, 87), Kempbell (Gibbs, 59), O'zil, Sanches, Jiru (Ivobi, 85).
Ogohlantirishlar: O'zil (12), Kempbell (24).
— deya xabar beradi uff.uz nashri.