Madridning «Real» klubi «Monako»ning ikki futbolchisiga qiziqish bildirmoqda.
Yarim himoyachi Bernardu Silva va hujumchi Kilian Mbappelar Madrid klubi kuzatuvi ostida bo'lib turibdi. «Real» avvaliga faqat Silvani kuzatib borayotgan edi, ammo Mbappening o'yini ham keyinchalik e'tiborni tortgan. «Qirollik klubi» skautlari nazdida Mbappening o'yini «Arsenal»ning afsonaviy hujumchisi Terri Anrini eslatib yuboradi.
Silva joriy mavsum Frantsiya chempionatida 25 ta o'yin o'tkazgan va 6 ta gol urib, 5 ta golli uzatmani amalga oshirgan. Mbappe esa 18 uchrashuvda 7 ta gol urgan va 5 ta golli uzatmaga mualliflik qilgan.
— deya xabar beradi uff.uz nashri.