«Arsenal» futbolchisi Ektor Belerinning «Barselona»ga o'tishi mumkinligi haqida avvalroq xabar berib o'tgandik. Mundo Deportivo nashrining xabariga ko'ra, ispaniyalik himoyachi jamoani bosh murabbiy Arsen Venger tark etsagina, «Barselona»ga o'tish haqida o'ylab ko'rishini ma'lum qilgan. Hozirda, «Barselona» skautlari Ektorning harakatlarini muntazam ravishda kuzatib kelishmoqda.   Shuningdek, kataloniyaliklar yaqin kunlar davomida «Arsenal»ga Belerinning transferi borasidagi ilk rasmiy taklif bilan chiqishni rejalashtirib qo'yishgan. Ma'lumot uchun, Ektor Belerin aslida «Barselona» tarbiyalanuvchisi bo'lib, joriy mavsum «Arsenal» tarkibida APLning 20 uchrashuvida maydonga tushgan.
— deya xabar beradi uff.uz nashri.