«Yuventus» bosh murabbiyi Massimiliano Allegri himoyachi Leonardo Bonuchchiga o'zi istagandek jazo berilmagan taqdirda, iste'foga chiqishga roziligini bildirgan.
Eslatib o'tamiz, «Portu»ga qarshi kechgan EChL bahsi oldidan Bonuchchi ro'yxatga kiritilmagani ma'lum bo'ldi. Bunga futbolchi va bosh murabbiy o'rtasidagi kelishmovchilik sabab bo'lgan. Allegri va Bonuchchi «Palermo»ga qarshi kechgan bahsda janjallashib qolgan edi.
Klub rahbariyati Bonuchchini jarimaga tortish bilan cheklanmoqchi bo'ldi. Ammo Allegri himoyachiga o'zi istagandek jazo berishni va Chempionlar ligasida maydonga tushirmaslikni istadi. Garchi klub rahbariyati buning oldini olishga urinsada, Allegri o'z so'zida qat'iy turgan va istagi amalga oshmagan taqdirda iste'foga chiqishini ma'lum qilgan.
Eslatib o'tamiz, biroz vaqt muqaddam «Yuventus» rahbariyati Allegrining o'rniga boshqa murabbiy qidirayotgani aytilgan edi.
— deya xabar beradi uff.uz nashri.